Арна туралы

2009 жылы «Эра» телеарнасы негізінде құрылған «Жетінші арна» — бүгінгі күні жақсы көңіл-күй мен шынайы сезімдерге толы отбасылық ойын-сауық арнасына айналды.

«Жетінші арна» төл жобаларға басымдылық бере отырып, өз көрермендеріне көтеріңкі көңіл-күй сыйлау мақсатында сапасы жоғары премьераларды қазақ және орыс тілдерінде ұсынып жүр. Атап айтқанда «Q-елi», «Айна on-line», «Хотим ребенка», «Моя история», «KZландия», «Қыздар арасында», «Знаки. Степные Легенды», «Знаки», «BOOM», «Өз ойым», «Шай ішейк» жобалары, сондай-ақ «Бастық Боламын», «Зың-Зың Күлпәш», «Япырай», «Ата-ана. Бала-шага», «Такая Life» сериалдары көрерменнің көңілінен шығып, көпке танымал болды.

«Жетінші арнаның" өз идеясымен шыққан бағдарламалардан бөлек, телеарна бейімделген туындыларға көңіл бөлді, оған «Жұлдыздар фабрикасы», «Қырық Миллион теңге Шоуы», «Экстремалдар», «Жұлдызды билер», «Не? Қайда? Қашан? сияқты жобалар жатады.

Отандық телевизия нарығына шыққанына небәрі 10 жыл болса да «Жетінші арна» өзін әлеуметтік белсенді телеарна ретінде көрсетіп, отбасылық,жастар мен шығармашыл аудиторияға бағытталған жобалар жасап үлгерді.

2014 жылы «Отбасы күні» ұлттық мерекесі аясында «Жетінші арна» «Аналар күні» мерекесін ұйымдастырған болатын. Іс-шараның мақсаты — ата-анаға деген сүйіспеншілік пен құрмет сезімін, ана болу бақытын насихаттайтын ұлттық мейрам жасау, отбасымен демалатын алаң құру болды. Сол күні Алматыда 856 кг бауырсақ пісіріліп, таратылды. Сөйтіп бауырсақ саны бойынша Гиннес рекорды орнатылды, ал көрермендер болса аналарын «Жетінші арна» арқылы құттықтауға мүмкіндік алды. Алматыда «Аналар күніне» 10 000 адам қатысса, Нұр-Сұлтан қаласында 22 000 адам келген болатын.

2015 жылдың наурызында «Жетінші арна» «Тұран» университетінің қолдауымен алғаш рет кино және телевизия саласындағы мамандықтардың деңгейін көтеру, жас режиссерлер, операторлар мен сценаристердің іргесін кеңейтіп, жас таланттарға мейілінше қолдау көрсету еді. Жүлде барысында 142 жұмыс қабылданып, олар SEVEN KAZAKHSTAN телеарнасында көрсетілген болатын. Қараша айында 7 номинация бойынша дауыс беру арқылы 7 жұмыс іріктеп алынды. Жеңімпаздардың бірі қазақстандық продюсер Нұртас Адамбаевтың тобында жұмыс істеп, «Келинка Сабина 2» жобасына қатысу мүмкіндігіне ие болды.

«Жетінші арна» әлеуметтік белсенді шараларды жалғастыра отырып, 2017 жылдың қыркүйегінде «Ұлттық еріктілер желісінің" бастамасына қолдау көрсете отырып, «Жақсылық жаса» атты жобаны жүзеге асырды. Жобаның мақсаты — игі істермен айналысып жүрген қарапайым қазақстандықтарды іздеп тауып, оларды республикалық телеарна арқылы елге таныту болды. Эфирмен мен әлеуметтік желілердегі жағымсыз көзқарастарды жойып, игі іс пен жақсылық жасап жүрген жандарды үлгі қылу- осы жобаның өзегіне айналды.

Жоба аясында «Жетінші арнада» жақсы адамдар туралы хикаялар беріліп, соңында марапаттау рәсімінің телевизиялық нұсқасы көрсетілді. 2 айда Қазақстанның түкпір-түкпірінен 302 өтініш келіп түсті, 7 күндік дауыс беру кезінде 5,900 дауыс жиналып, 2 ай ішінде delaidobro.kz сайтын 54 805 адам қарады.

Маңызды жобалар тақырыбын жалғастыра отырып, телеарна мемлекеттік тапсырыс бойынша әлеуметтік жоба шығарумен айналысады. Ауылдың жандануы, сыбайлас жемқорлықпен күрес, балалар үйіндегі жағдай, мүгедек жандарға қолдау көрсету, зорлық-зомбылыққа қарсы күрес, отбасылық құндылықтарды насихаттау сияқты тақырыптарды назарға ала отырып, бұл мәлелерді тәрбиелік тұрғыдан жағымды, әрі қызықты етіп жеткізу маңызды міндеттердің бірі болып табылды.

2018 жылы «Жетінші арна» Youtube-тің алтын түймесін алған алғашқы телеарналардың бірі болды. Ол кезде Youtube-ке жүктелген жобаларды 1 000 000 000 рет қарағаны белілі болды. Сонымен қатар, «Жетінші арна» әлеуметтік танымал желілер арқылы көрермендермен үнемі байланыста отырады, бүгінде 2 миллионнан астам оқырманы бар.